به مناسبت چهارم دی ماه سالروز تولد حمید آرش آزاد
صابر دؤوران
رنجي تبريزي
چك كمانين زهين ائت سينهمي شان- شان، آرش
آلتميش ايلديركي ائديبسن بيزي حيران، آرش
سنله سؤز- صحبتين آيري دادي وار عالمده
ائدهسن آغلاياني طنزيله خندان، آرش
سنده يوخ، يوخدور، آچيقدير سنين ازبس فكرين
ائيلهسن هرنهكي موشكول اوْلا آسان، آرش
نَفَسين عيسيِ مريمكيمي اعجاز ائلييَر
وئرهسن اؤز نَفَسينله اؤلويه جان، آرش
قلمين الده سنين، گاه يارادير يوزلر اثر
گاه دؤنوب شمشير اُولوب اَلده، توكور قان، آرش
تاپماسا دردينه هر كيمسه بو دنياده علاج
ائدهر اشعارينايله دردينه درمان، آرش
ادعا چوخلار ائدير بوردا غزل يازماقدا
اولا بيلمَزله قاپوندا هَلَه دربان، آرش
آلتميش ايلده بئله گئتسه، هَلَه واردير ايشيميز
گئجه- گوندوز نئجه تودلاخ باساجاقسان، آرش
وئرميرم قوْلتوغونا بو سؤزوله قارپوز، اينان
سنسن ايندي دئييرهم صابر دؤوران، آرش
قدمين هريانا قويسان، وئرهس خلقه صفا
اِئيلهسن كُوللوگو بير گوللو گولوستان، آرش
«رنجي»مين لرچه غزل يازسادا عمرونده اگر
اُولا بيلمهز سنه تاي مرد سخندان، آرش
+ نوشته شده در دوشنبه چهارم دی ۱۳۹۶ساعت 12:40 توسط سیامک آرش آزاد |
شعر ملمع قاچ چاي- قند آل! شعر طنز حمید آرش آزاد...
ما را در سایت شعر ملمع قاچ چاي- قند آل! شعر طنز حمید آرش آزاد دنبال می کنید
برچسب : نویسنده : okhtai بازدید : 97 تاريخ : پنجشنبه 14 دی 1396 ساعت: 22:38