- شعر ملمع آي گوزهل «روابط عمومي» مسوولو...! شعر طنز حمید آرش آزاد
- بسات نيست؟! حميد آرش آزاد
- بيزده بئلهلريني سئوهريك شعر طنز حمید آرش آزاد
- ياواش- ياواش...! شعر طنز حمید آرش آزاد
- باز باران...! شعري طنز حميد آرش آزاد
- يك كمي هم بيشتر! شعر طنز حمید آرش آزاد
- کُرنشی در پیشگاه یک «والنتاین» خودی / حمید آرش آزاد
- خيلي خيلي يواشكي...! شعر طنز حمید آرش آزاد
- باور كنيد! شعر طنز حمید آرش آزاد
- خاطرات حمید آرش آزاد،خانم مدير «ضدمرد»؟
آخرین مطالب
امکانات وب
به مناسبت4 دی تولد حمید آرش آزاد «دي» آيي‌نين دؤردو
شاعرين 61- نجي دوْغوم گونو مناسبتي‌ايله
بودا آلتميش ياشيميزدان...!
آي- ايل دوْلاندي، آلتميشي آشدي ياشيم منيم
داش‌دان- داشا دگيب بو جهان‌دا باشيم منيم
ائولنديلر آتام‌لا آنام بيرايل اؤنجه‌سي
آشپز ايكي اوْلوب، بيشيريلدي آشيم منيم
چون ايلك اوشاق منم، نه جمال وار، نه بوْي- بوخون
اوستاد دگيلدي ايش‌ده هله نقّاشيم منيم
آنجاق جوْشاردي چون آنادا شعر؛ هم‌ده طنز
اوْلموش هُنَر اَزل‌دن ايكيز قارداشيم منيم
عشقيم وارايدي شادليق ائده‌م، چوْخ دئييب- گولم
آنجاق‌كي هر زمان غم اوْلوب سيرداشيم منيم
قونداق- بله‌ك‌ده «اينقه» دئيه‌ن گون‌دن، ايندي‌يه
بوْش ادّعالي باش‌لارا دوشموش داشيم منيم
ناصح دئييب‌كي، تيتره‌‌در افلاكي ريشه‌دن
ديل‌ده- دوْداق‌دا گزسه «نيناش- ناش- ناش»- يم منيم
اصلاح خيالي وار، بيليرم، آمما قوْرخورام
كوْر ائيله‌ير گؤزو، كي دوزه‌سين قاشيم منيم
آنجاق جواب‌دا، من‌ده اوْنا سؤيله‌رم: «گالا...!»
بير باش واريم بو دونيادا، مين اوْيناشيم منيم
شادليق باغيشلا بير منه، روحيّه‌لر وئرير
يوزلرله دوْست- آشنا، ناباب يوْلداشيم منيم
ائل‌لر سئويركي طنز قوْشام هرگون- هر زمان
خدمت‌ده خلقه، اوْلماسين هئچ چاش- باشيم منيم
يالتاق مديحه‌چي قوْي آلا سكّه- جايزه
چوْخ پاك محبّت ائل‌دن اوْلوب پاداشيم منيم
مين بونجا شعرلرده قوْشام، طنزلر يازام
گؤرجك خانيم، دئييركي: «بودور فرّاشيم منيم»!
«آرش»! چوْخ ايسته‌رم سووارام شعر باغچاسين
افسوس‌كي چوْخ قاليب، چورويوب آبپاشيم منيم
+ نوشته شده در دوشنبه چهارم دی ۱۳۹۶ساعت 12:0 توسط سیامک آرش آزاد |
شعر ملمع قاچ چاي- قند آل! شعر طنز حمید آرش آزاد...ما را در سایت شعر ملمع قاچ چاي- قند آل! شعر طنز حمید آرش آزاد دنبال می کنید
برچسب : نویسنده : okhtai بازدید : 94