اذن وئر منده سنايله بير اروپايه گليم
سن چيخاندا بازارا، منده سنه سايه گليم
«حقِّ مأموريت» آل سن نئچه ميليون «يورو»
من ساتيم پار- پالازي، سنله اروپايه گليم
سن دوْلان بولغاري باشدان باشا، هرجور كئفي چك
وئر اجازه منهده تكجه اوْ وارنايه گليم
ناپلدان دوْيسا گؤزون، مارسئيه گئت، هم كاني گز
حؤوله چينده من اوْلوب، ساحلِ دريايه گليم
امضالا چوْخلو قرارداد، سن آغير پورسانت آل
پول ساياندا، منيده قوْيكي، تماشايه گليم
انگليسده، يئكه باشلارلا آپار سن دانيشيق
منده كار، كوْر، دانيشيق سيز، اوْرا بيمايه گليم
سن سوويسده، يئتيش اؤز بانكي حسابدا پولونا
منده آغزيم سولانان حالدا اوْ مأوايه گليم
سن گئديب توْيلارا، شيريني يئييب، اوْل خندان
مندهكي چوْخ قوْجايام، ياسلارا، حلوايه گليم
يوْلون آمريكايا دوشسه، كاراييبده حاللان
من جيريق پالتار ايلن، قيشدا آلاسكايه گليم
قوْي سنه مشتري دورسون «بي.بي.سي» «سي.ان.ان»
منده بارماغي آچيب «V» كيمي سيمايه گليم
گئتسن آفريقايا، قال ساحلِ عاجدا هرگون
من يازيق آج- يالاواج، تكجه كاتانگايه گليم
آديم «آرش»، نه اوْخوم واردير اليمده، نه ياييم
سن پارا توْپلا، بوراخ بندهني افنايه گليم
+نوشته شده در شنبه هفتم بهمن ۱۳۹۶ساعت 15:23  توسط سیامک آرش آزاد |
شعر ملمع قاچ چاي- قند آل! شعر طنز حمید آرش آزاد...
ما را در سایت شعر ملمع قاچ چاي- قند آل! شعر طنز حمید آرش آزاد دنبال می کنید
برچسب : نویسنده : okhtai بازدید : 143 تاريخ : جمعه 13 بهمن 1396 ساعت: 8:46