دونيادا هركيميكي سالميش سنله اُلفت، دستمال
اوز قوْيور دايم اوْنا بوْللو سعادت، دستمال
«توكيو»، «لندن»، «مانهاتان»، «پاريس»دهمينلر«بورس»اولا
هئچ باجارمازلار سنه قوْيسونلا قيمت، دستمال
«قيصريه» يا «امير» اوْلسون، يا اصلاً هر بازار
سندن اؤترو، وار يئري اوْدلانسا راحت، دستمال
«دئزدئموونا» آدلي، شوخ يارين بوْغوب، اؤلدورسهده
ائتمهييب هئچ وقت «اوْتئللو» بير جنايت، دستمال
عقلي ناقص آرواد ايدي، بيلمهدي قدرين سنين
چونكي بيلسهيدي، بيرآن ائتمهزدي غفلت، دستمال
كيمكي غافل اوْلدو سندن، هيچ ترقي ائيلهمز
حتي يوز ايل ائتسه دوزگونلوكله خدمت، دستمال
تك زيركلردير بيلر عالمده قدرين ـ قيمتين
وار وجودوندا سنين مينلرله حكمت، دستمال
هر «رئيس»، ياكي «مدير» گلدي، منه هئچ فرقي يوخ
سنله اثبات ائيلهرم تئزجه ارادت، دستمال
دوزدو منده يوخ سواد، اصلاً هئچ ايشده بيلمهرم
سنكي وارسان الده، گؤستررم لياقت، دستمال
بير «قشوْو» چكسن، نئجه «اوزدن ايراق» لار خوْشلانار
اوز وئرير چوْخ باشچييا، سنله اوْ حالت، دستمال
فرقي يوْخ، اوْلسون «فرانسه» ياكي «كرمانشاه» ياغي
سنله سورتولسه، ائدهر ايشده قيامت، دستمال
بيرده گؤردون رتبهم آرتيبدير، معاون اوْلموشام
بلكهده قسمت اوْلا بيرگون رياست، دستمال
ايلده اوچ- دؤرد يوْل يازيلدي خارجي مأموريت
ائيلهديم هر اؤلكهده دوْرد آي اقامت، دستمال
اهل- عيال، شخصيتيم، روحوم سنه قوربان اوْلا
ائيلهرم من پول- مقام اوْلسا، قناعت دستمال
چونكي «آرش» غفلت ائتميش سندن هر گون- هر زمان
حشر اوْلونجا وار يئري چكسه فلاكت، دستمال
شعر ملمع قاچ چاي- قند آل! شعر طنز حمید آرش آزاد...
ما را در سایت شعر ملمع قاچ چاي- قند آل! شعر طنز حمید آرش آزاد دنبال می کنید
برچسب : نویسنده : okhtai بازدید : 114 تاريخ : چهارشنبه 10 بهمن 1397 ساعت: 11:58